Njoftime për Shtyp
Prokurori i Përgjithshëm pret Ambasadorin e Serbisë në Tiranë
Prokurori i Përgjithshëm pret Ambasadorin e Serbisë në Tiranë
Prokurori i Përgjithshëm, z. Adriatik Llalla priti në një takim kortezie Ambasadorin e Republikës së Serbisë në Tiranë, z. Miroljub Zariç, me të cilin diskutoi mbi mënyrat e forcimit të bashkëpunimit ndërmjet institucioneve të drejtësisë së dy vendeve.
Prokurori i Përgjithshëm i paraqiti diplomatit të Serbisë prioritetet e punës së tij, ku theksoi luftën kundër krimit të organizuar, përfshirë edhe atë rajonal. Për z. Llalla, bashkëpunimi ndërshtetëror do të jetë thelbi i suksesit të organeve të drejtësisë në luftën kundër trafiqeve të të gjitha llojeve.
Ambasadori i Serbisë vlerësoi bashkëpunimin e deritanishëm mes dy vendeve përsa i përket çështjeve që lidhen me luftën e përbashkët kundër kriminalitetit, si edhe siguroi se institucionet e vendit që përfaqëson janë të angazhuara të forcojnë raportet me homologët e Republikës së Shqipërisë.
Data: 22.05.2013